البلياتشو؟؟؟

الدنيا بقت سيرك واللى مايشترى يتفرج..الدنيا دى فيها كم بلياتشو..حلقه ولعيبه وعالم فى الهوا تتعلق..كلنا ماشيين على الهوا وكلنا بنقلق؟؟!!

يلفت انتباهى من فتره فى كل من اتعامل معهم هذه النظرات الثلجيه المنزلقه التى اراها فى عيون الناس.. ليس فيها ود ولا حب وان وجت فهى لمصلحه او مصطنعه..واحيانا نظرات مترقبه واخرى حاده..واخرى تلمع وتنذر بوعيد..واخرى منكسره توحى بان خلف هذا القناع قصه وعالم خفى

ولكن القاسم المشترك بين كل هذه النظرات شيئان.. شعورى بان هذا الوجه ماهو الا قناع مثل البلياتشو..

والاخرى هذه المسافات المتباعده بيننا كل منا يتعامل مع الاخرين بمسافات متباعده قد تكون شاهقه مثل ناطحات السحاب!!!

حتى الكلمات اشعر انها اصبحت اقنعة عصرنا الحديث..يستخدمها الناس للتعبير عن حاله مزاجيه او لتوصيل هدف معين..قد تخفى بها فرحك او لوعتك ولا احد يستطيع اختراقك لمعرفة صدقك من كذبك..

وارجع اقول يمكن منها ناس مجروحه بتدارى جروحها بالضحك والسخريه ماو شر البليه مايضحك..

ويمكن ناس بتهرب من الامها الشخصيه لالام عامه فى قضيه سياسيه او اجتماعيه او دينيه

ويمكن ناس تايهه جوه السيرك بتتنقل الادوار مش عارفه رايحه فين..وناس عايشه بتفكر ازاى نقضى الايام دى لحد مايجى اول الشهر..

هيا الحياه الى بقت قاسيه اوى علينا؟ ولا الناس كمان بقت قاسيه على بعض كل واحد خايف من التانى وكلنا معانا وشوش ملونه مش حاسس ولا عارف رايح فين ولا جاى منين؟؟؟؟!!!!!

ياسك وصبرك بين ايديك وانت حر

تياس ماتياس الحياه راح تمر

انا دقت مندا ومندا عجبى لقيت

الصبر مر وبرضك الياس مر..عجبى!!