القيود البشريه..سلاسل فطريه لا مرئيه
اخطبوط تلارتباط والصلات الانسانيه...كلها مسميات فى نظرى للارتباط بالبشر
هتقولولى ده الجنه من غير ماتنداس ياختى..ده برده اسمه كلام؟؟
خليكو معايا ونشوف :-)
كل ارتباط هو شىء متعب..ارتباطك بشخص تحبه او تكرهه نوع من القيد
ارتباطك بضعفك البشرى ولكن يجب ان تقاوم والا تنهزم ..قيد
ارتباطك بطموحك واحلامك وماتحقق وما تامل ان يتحقق قيد
ارتباطك بتخطى الصعاب والمشاعر الانسانيه السلبيه من كره و غيره والم وحزن وياس واحباط..قيد
ارتباطك بافتقادك لحبيب غائب او اب رحل عنك ومعاناتك..قيد
لو ذكرت كل قيود العلاقات البشريه والسلاسل النفسيه بداخلنا وصراعتنا المعقده والمتشابكه بداخلنا لاحتجت ان اكتب الكثير
هيسالنى ناس يقولولى ليه شايفاها قيود؟ ليه مش شايفاها روابط وعلاقات انسانيه بتدى لون ومعانى ساميه للحياه؟؟
يمكن لانى من فتره حاسه ان المعانى دى بتندثر زى الديناصورات..اصبح الناس يرونها قيد وياعم كبر دماغك
لما تلاقى انك تعطى فقط ..عشان كده جالى السؤال ده ونط فدماغى زى نيوتن لما وقعت التفاحه قدامه وفكر فقانون الجاذبيه
خدتوا بالكوا معايا..ركزتوا؟ السؤال هو..هل من الممكن ان تكون هناك سعاده بلا قيود؟؟
وافتكرت جملة انيس منصور
اروع العلاقات مابين رجل وامراه..وهى اقسى العلاقات..فكلما اقتربت اكثر..تالمت اكثر..وكلما ارتبطت اكثر..تعذبت اكثر ولا يوجد هناك حل؟؟
ونا شايفه انه مش بس بين الرجل والمراه..لا كمان فى الصداقه فى الاخوه فى الاهل فى الشغل..شبكة العلاقات البشريه بانواعها ودرجاتها
وجالى احساس وانا بفكر انى طائر محبوس مكبل بقيود وفوقهم قضبان الحياه..اريد ان احلق بعيدا وافرد اجنحتى كلها فى الهواء وترفرف واشم رائحة الحريه والراحه..
سـلام مـؤقـت
1 week ago
15 comments:
الشموع السوداء
دوك ,التفاحة وقعت على دماغ نيوتن مش ايناشتين ..ده أولا ثانيا متفكريش كتير لأنك لو فكرتى كتير دماغك حتجيب دخان ,,العلاقات الانسانية معقدة تعقيد الناس نفسهم استمتعى بالروابط بين الناس فى وقتها متفكريش فى نهايتها وأيضا تخلى عن كل علاقة تحسسك بالقيد لأنها تبقى علاقة فاشلة وخنيقة اللى بيحب حد بيحب القيد عشان خاطره أو بمعنى أصح مش بيحس ان فيه قيد أساسا ,,الخلاصة عيشى يوم بيوم ومتفكريش كتير غير فى أعمالك اللى بتقربك لله ,,الماضى فات والحاضر لحظة والمستقبل بيد الله
السلام عليكم يا قمر
انا ظننت اني اعرفك جيدا واكتشفت انني لم اعرفك حقا بعد فهناك انسانة رائعة بداخلك اروع من الانسانة الرائعة الذي اعرفها ولكني في طريقي لاكتشافها قريبا ان شاء الله
اما بالنسبة للقيود فهناك قيود نكرهها وهي كثيرة لا داعي لذكرها ولكن هناك قيود جميلة نحتاجها في حياتنا كقيود تضعينها لنفسك حتى تكوني الانسانة التي تريدين فلو تركت لنفسك عنان الحرية من غير قيد ولا رادع ستكون النتيجة فاجعة
انا عندي قيود كثيرة منها قيد حبك في قلبي ولن افكه ابدا ما حييت باذن الله اختي الغالية
انا كده قلقان
مره عايزه تفكي القيود من المعبد
ومره قيود بشريه
لا كده خطر
بما اني مش شايف أي تعليقات قبلي فهعتبر نفسي أول تعليق هيييييييه
القيود النفسية المرتبطة بالعلاقات الانسانية.
عارفة المشكلة ان منغيرها هتلاقي نفسك فريسة لقيود تانية خااااااالص. واسألي مجرب
اختى العزيزة
اول زيارة وان شاء الله مش الاخيرة
الحرية احساس داخلى حتى لو كلك متقيد لو حر يبقى الكون كله لن يسعك
تحياتى
مجداويه
= = = =
عندك حق نيوتن اظاهر من عدم التركيز دخلو فبعض :-)
عندك حق مفروض الواحد مايفكرش كتير خصوصا فى الحاجات الى ممكن تاثر عليه سلبا ..بس اعمل ايه صاحبتك مخها مش بيسكت ولا بينام احاول معاه
ورووووود بدون اشواك
= = = = = = = = =
الغاليه على القلب والمكانه بكون سعيده جدا لما بشوف كلماتك وتعليقك ..حقيقى انتى الى انسانه رائعه سعدت بمعرفتك من قرب..واسال الله ان يجمعنا معا ان لم يكتب لنا فى الدنيا يكن فالاخره..فالجنه بامر الله..انتى انسانه جميله خلقا وطبعا وربنا يحفظك لاسرتك واولادك وربنا يديم بينا المحبه والموده دوما..وربنا يكفينا شر الحسد :-)
خايف من الحقيقه
= = = = = = =
متقلقش الموضوع تحت السيطره هحاول نبعد عن الخطر :-)ميرسى نورتنى بالزياره
sha2loob
= = = = =
عندك حق..بس برده لازم يكون فى ضوابط وصلات لحياتنا ولعلاقات البشر ببعض..يمكن انا بس كتبت ده فوقت حسيت ان المواضيع معقده شويه
la3lahkhaier
= = = = = =
شرفتنى بالزياره واهلا بيك
وفعلا كلامك صح الحريه والسعاده ومعانى كتير ممكن تتحقق داخليا بنحملها جوانا وممكن نتغلب بيها على حاجات كتير او ظروف خارجيه محيطه
اختي الحبيبة الشموع السوداء
اللهم امين اللهم امين انا الي سعيدة بمعرفتك اختي واشهد الله اني احبك في الله
انا كل مرة اعيط وامشى بس المرادى الدموع تحجرت فى مقلتى ،لية بقى ؟عيالى الأتنين كانوا آعدين جنبى وانا بقرا مقالك ،فلسة يدوبك هاكتب التعليق واقولك زى كل مرة الكلام الى أنا زهقتك بيه دة ،والاقيهملك ماسكين فى بعض ،فجأة لقيت القيود ظهرت ادامى مرة واحدة ،آه والله عندك حق يابنتى ،بس بجد لو دى قناعاتك حاولى تعملى أى حاجة علشان تغيريها ،يا بنتى دانتى لسة مخطوبة هاتعيشى حياتك إزاى لما تتجوزى ،ربنا يسعدك طبعا بس الحياه الزوجية كلها مسؤليات وبلغتك قيود ،بصى والله مانا سيباكى هافضل وراكى مش هاسيبك غير لما تخلى الشموع دى فووووووششششياااا
احب اعلق تعليق بسيط ليه العلاقات الانسانيه في نظرك قيود ليه هي اللي بتقيد حرية الانسان انا وجهة نظري العلاقات الانسانيه دي هي اللي بتدي معنى لحياة الانسان بدليل ان فعلا الواحد مبيحسش بقيمة اللي معاه الا لما بيفقده يمكن هنا بس المعناة والالم بس كلام جميل فعلا
صديقتي العزيزه
ممكن القيد اللي موجود في العلاقات الانسانيه يكون حاجه حلوه او حاجه وحشه علي حسب نظره طرفي العلاقه
في رأيي لو الحب الصادق موجود حيكون احلي قيد و حيزيد من احكامه كلما زادت العلاقه رسوخا
تمام زي الغيره مانقدرش نستغني عنها بتكون زي الملح و الفلفل في الأكل بتدي مذاق للحياه من غيرها بنحس بقله اهتمام الحبيب
تحياتي ليكي علي موضوعك المميز
عزيزتي الشموع السوداء
أنت على حق بكل تأكيد ، لكن هناك حل ، ان يكون رباطنا بمن نختاره نحن بانفسنا ، كصديق او حبيبة او او، من نوع خاص ، نتفق فيه على ان يكون كل منهما للاخر واحة راحة و ليس قيدا، و من الاصدقاء من يعرف كيف يكون هكذا ، قليلون جدا و لا شك، لكنهم موجودين
تحياتي و تقديري
ايه يا دوك
انت بتخدينى على أد عقلى ولا ايه ههههههههه مصلحتيش أينشتين ليه
أنا عندى سؤال مهم ليه الناس غاوية تعذب نفسها ؟؟عندك جواب
ربنا قال: وما ظلمناهم ولكن كانوا انفسهم يظلمون
ليه بقى الناس بتظلم نفسها ؟؟؟
مجداويه الحبيبه سعيده باهتمامك ونصيحتك بجد تسلميلى انا كنت صلحتها فالتعليق ومعلش نسيت اصلحها فالنص الاصلى معلش بقى المسؤووليات على كاهلى عظيمه وكبيره هههههههه
دايما بتنورينى وتسعدينى بزيارتك والله
اجندا حمرا
= = = = =
عندك حق العلاقات الانسانيه زيها زى حاجات كتير سلاح ذو حدين ممكن يكون نافع وضار
وبيعتمد على درجة القرب ولامور سويه ولا لا..تحياتى على الزياره والتعليق
dr.eyad harfoush
= = = = = = = =
باؤيدك جدا لان وجود العلاقات السلبيه او القيود الى رمزت بيها لاشخاص فحياتنا ممكن تشدنا لورا او لتحت يجب التخلص منهم فوراااااا
نورتنى باول زياره ليك يارب متكونش الاخيره
Post a Comment