Friday, May 16, 2008
وحشتوووونى
Posted by الشموع البيضاء at 7:55 PM 18 comments
Friday, April 25, 2008
الرحيق المختوم
Posted by الشموع البيضاء at 9:57 AM 17 comments
Thursday, April 17, 2008
لا عزاء للسيدااات :-)
حصل معايا موقف يمكن بيعدى علينا هو مش غريب اوى وبيحصل بس استوقفنى جدااا..خلانى افكر كتير؟؟
من عدة ايام
عرفت ان زميلتى فالعمل والدها توفى وبدون اى مقدمات..(زى مايكون الموت لازم يكون له مقدمات او يخبط على الباب)
وتبعثرت الكلمات على شفاهى وانا احدثها
وتخبطت المشاعر داخلى ومشيت بغرفتى ذهابا وايابا لاستجمع افكارى ونفسى لاحدثها واكلمها..عن ماذا ساكلمها او احاول مواساتها وانا التى اعلم طعم الافتقاد طعم الفراق؟؟
كلمتها وحاولت استجماع شجاعتى وكلماتى وشعرت منها كم هيا تحتاج وجودى جانبها ولملمت نفسى لاجرى لالبس وانزل اروحلها
وعندما ذهبت وتحدثنا سالتها بكل صوت كسير والم ووجدت ان والدتها سافرت هيا واقاربها ليدفنوا الجثمان؟؟؟ وهيا واخوتها بالمنزل
وتتابعت دموعها وكلماتها ان الدنيا قصيره وان حياتنا ليس لها معنى غير ان نعمل لاخرتنا
وانه بين يوم وليله اختلفت الحياه كليه فى نظرها
واكدت كلامها اننا فى لحظه ممكن نقف قدام ربنا ونتحاسب وكل ماهو لهو فحياتنا لا قيمة له واستشعرت المها والى حد ما ارتحت لاحساسها وقربها من الشعور بالاخره والتقرب لله
ثم ذهبت منزلى وانا حزينه علي شعورها الاليم هذا الشعور اعرفه جيدا اعرف مرارته اعرف لون ايامه ولياليه
وتذكرتها وهيا تذكر والدها بالحنان والطيبه وانه كان بيسافر لياتى لهم بطلبات واشياء كثيره
وثانى يوم ذهبت لها احمل معى الشعور ولكن قلت هذه المره يجب ان اكون اكثر شجاعه ووجدت والدتها ترتدى السواد وتسلم عليا ثم بعد دقائق تستاذن لتوصل احد ابنائها للدرس؟؟
وزميلتى تسالنى عن العمل وهل ساتحمل عملها ولا تنزل بعد ايام قليله؟؟
وان والدتها عندها مشروع تجارى ستذهب لتباشره لانه والدها كان عامله باسمها وكانت حزينه كيف كان احد اخوة والدها لم ينتظر يوما حتى فاتح والدتها فى الميراث وتالمت كثيرا على هذا الرجل الذى عماه قلبه وطمعه حتى لاينتظر ؟؟
وثالث يوم وانا فالعمل اذا بى اجد زميلتى تدخل علينا وسررت لرؤيتها انها تحاول التغلب على حزنها ولكن ربما تعجلها من الصدمه او لم تستطيع الجلوس بالمنزل..ولكن ماذا هذا الذى ترتديه؟ وماذا هذا البرفيوم الذى اشمه؟ ماهذا الميك اب الى اراه؟؟
لم تكن تهتم بهذه الامور من قبل؟ ماهذا هل هو احتفال ؟
ام هو احتفال وافتتاح بمناسبة قولها ان الحياه يجب ان تكون بالعمل للاخره؟؟ وان الدنيا قصيره وان موت والدها كان درسا للجميع؟
ولكنى رحت اشفق عليها من الصدمه ولكن الايام التاليه وجدت اختها بنفس الامر ووالدتها واخوتها؟؟
وتزايدت الامور كثيرا وكاننا فى احتفال فعلا بغض النظر عن ماهو حلال وحرام فى امر البرفيوم او الميك اب او اى حاجه
وتوقفت مع دهشتى
وتذكرت يوم كنت بمنزلها وانا ممسكه بيدها واخبرها ان تدعو له
الان هو فى ساعة الحساب محتاج لدعاؤهم لو بيحبوه
وتصمت والح عليها الطلب واردد بالدعاء له وتنظر لى وتسكت
تاملت هذا الرجل
اعذرنى سيدى اننى لم اعرفك ولكنى حزينه من اجلك
حزينه جدااااا
لان زوجتك وابناؤك وبناتك لم يحزنوا من اجلك اكتر من ساعات
لم يكلفوا نفسهم عناء السفر لدفنك
حزينه من اجل انهم لم يتمتوا بشفاههم ليدعوا لك
حزينه لانهم لم يحترموا وفاتك ولم يستطيعوا الجلوس بالمنزل او التخلى عن الزينه والضحك والمرح
وشعرت بجحودهم
كم انتم جاحدون هل سافر هذا الرجل سنوات وتحمل العناء والمشقه ليوفر لكم كل ماراه من رفاهيه ويوم ان يحتاج دعاؤكم لا توفروا له كلمة دعاء او دمعة حزن او حتى احتراما لك امام الناس ولو بالتمثيل ولو انى لست مع المناظر والحداد بالسواد وكل هذا
ولكنى تاملت
قلت يااااااه هو ممكن الواحد يعيش مع ناس اقرب الناس ليه ويكون كويس معاهم او حتى شويه كويس وشويه وحش ويوم ان يمشى من الدنيا اقررررررررب الناس لا يتذكروه لا يدعوله؟؟؟؟ امال باقى الناس تعمل ايه؟؟
ولكننى فكرت ودهشت وتاملت وتالمت
ووجدت الحقيقه المره بالنهايه
عذرا لك ياسيدى اسال الله ان يرحمك ويغفر لك
ولكنك انت من جحدت حق نفسك
لا لوم عليهم
نعم لاتلمهم
لقد علمتهم وعشت معاهم حياه كامله دون ان تعلمهم دينهم دون ان تعلمهم طعم الاسره والترابط علمتهم ان الحياه والسعاده عباره عن تعليم جيد وعن طلبات ورفاهيه فقط
صلة رحمك لم تتذكرها لذلك تذكروك فالميراث فقط
زوجتك تذكرتك بمشروعها فهو اهم منك اما انت فرحلت ولا عزاء للسيدات :-)
اما ابناؤك فهم يواصلون حياتهم كما كانت فلم يحدث شىء
هذه الاسره لا تعلم احكام الحداد على المتوفى واولهم الزوجه لايعلمون احكام العزاء ولا الدعاء للمتوفى
لايعلمون الكثير والكثير
هل هيا غلطتهم وحدهم واصفهم انا فالنهايه بالجحود؟؟
رحمك الله والدى واشكرك على ماربيتنى عليه
على مازرعته بداخلى
اشكرك واذكرك دوما يامن علمتنى ان الحياه ليست لهوا وزينه
يامن علمتنى ان الاب قدوه وحنان
ساظل ممتنه مشتاقه لك
واتمنى لو كنت ابنة صالحه ترضى عنها
وانى لم اخذلك يوما
اسال الله ان يرحم جميع موتى المسلمين والمسلمااات
اللهم اميييييين
Posted by الشموع البيضاء at 7:59 PM 18 comments
Thursday, April 10, 2008
???!!!
Posted by الشموع البيضاء at 9:45 PM 11 comments
Thursday, April 3, 2008
لسانك طويل..عاوز يتقص
Posted by الشموع البيضاء at 10:08 PM 19 comments
Wednesday, April 2, 2008
اكلاكيت اول مره ..الشموع البيضاء
قررنا نحن الشموع السوداء (سابقا(...تغيير التوقيع واسم المدونه الى الشموع البيضااااااء
؟؟؟؟؟ !!!!!!!!
طبعا هتستغربوا ايه السبب وايه السر؟؟
واول واحده هتتبسط العزيزه مدونات زوجه عاشقه لانها نفسها اغيرها للفوشيا او البيضاء بس ايه رايك مش الابيض اجمل :-)
المهم عشان مطولش عليكوا ..قولوا طولى براحتك
قررنا نحن معالينا ماروول تغيير الاسم الى الشموع البيضاء
رغم ان الشموع السوداء كان عزيز عليا اوى وعرفتكوا وعرفتونى والمدونه بالاسم ده بس برده ان شاء الله نكون سوا بالاسم الجديد برده
اممممم برده لسه معرفتوش السبب صح؟؟
وهتضربونى وزهقتوا
المهم..السبب
هو
هو
هو
خطيبى شريف
هو الى غير حياتى من الشموع السوداء الى البيضاء
وكمان
عشان احنا فرحنا ان شاء الله
هيكون كمان كم شهر
فقلت يعنى ميصحش الشموع السوداء
ده حتى فال مش حلو
اى نعم احنا بنتخانق من دلوقتى واوقات الدنيا بتولع
بس اهو اعمل الى عليا وامشى ورا الفال الحلو
بليييييز كل الى بيحبنى قبل مايمشى من هنا
او يكتب التعليق
يدعيلنا ربنا يتمملنا على خير ويوفقنا
ويبعد عننا الشيطان والخناق
بليز ياجماعه الخير
تحيااااااااااتى للجميع
Posted by الشموع البيضاء at 12:47 AM 24 comments
Tuesday, April 1, 2008
لو فاتنا اليابانى مش هيرجع تانى :-)
فى خبر نشرته جريدة المصريون بعنوان :عالم يابانى يؤكد للدعاء والقران تاثير روحانى على الماء
وفيما الموجز عشان مطولش عليكو واسيبكوا تقروا الخبر براحتكوا فى اللينك الى هحطه..
بيقول العالم اليابانى ماساروا اموتو ان بللورات الماء حين تتعرض للبسمله عن طريق القراءه يحدث لها تاثيرا عجيبا فى شكل الماء وخواصه
واضاف ان ماء زمزم يتميز بخاصيه علميه لاتتوفر فى الماء العادى
واشار الباحث اليابانى ان البسمله التى يستخدمها المسلمون عند البدء بعمل او قبل الطعام لها تاثيرعجيب على بللورات الماء
والباقى والتفاصيل فى الرابط
http://www.almesryoon.com/ShowDetails.asp?NewID=46753&Page=13
الحقيقه اول ماسمعت الخبر ده افتكرت لما صوروا شجره مش فاكره فين على هيئة الركوع فى الصلاه وحبة القمح الى عليها لا اله الا الله وحاجات تانيه كتير فيها اعجاز وسبحان الله كان كلامى المره الى فاتت عن اعجاز الله فخلقه حولينا وفينا
وسالت نفسى تانى هو احنا بنستنى الغرب يثبت الكلام الى فالقران والسنه النبويه عشان نقول يااااه سبحان الله فعلا والله؟؟؟
قال تعالى: هذا خلق الله فارونى ماذا خلق الذين من دونه
وقال تعالى:
افرءيتم الماء الذى تشربون* ءانتم انزلتموه من المزن ام نحن المنزلون*لو نشاء لجعلنه اجاجا فلولا تشكرون*** سورة الواقعه
وقال تعالى :
سنريهم اياتنا فى الافاق وفى انفسهم حتى يتبين لهم انه الحق
سورة الزخرف
فعلا العلم كل يوم رغم الرسومات الكاركاتيريه وضجة فيلم الفتنه وغيره الا انه صدق قول ربى سبحانه
يريدوا ان يطفئوا نور الله بافواههم لكن الله متم نوره ولو كره الكافرين
صدق الله العظيم
معلش الكلمات دى شدتنى انا اصلى بحب الشعر وخاصة فى مناجاة الله لازم تحبوه معايا ماليش دعوه مش انتوا الى دخلتوا هنا :-)
تبارك الله كم فى الكون من عجب..فى البر والبحر والافلاك والشهب
طير يهاجر من اقصى الشمال الى..اقصى الجنوب ولا يهتم بالسغب
ويقطع السمك الشلال متجها..الى المنابع كى يفنى من التعب
تبارك الله لا تحصى خلائقه..وكل الائه تدعو الى العجب
***لخير الدين والى من ديوان النصر للاسلام
يارب هذا دعائى كيف ارفعه..اليك وهو على الاثام محمول
لولا التامل فى رحماك مانفرجت..نفس ولا كان للملهوف تجميل
يارب انت وليى فاهدنى سبلا..الى الرشاد,دعائى فيك مامول
يارب انت الذى ارجو معونته..فى كل امرى رجائى فيك موصول
**من ديوان الارض المباركه لعدنان النحوى
Posted by الشموع البيضاء at 8:17 PM 3 comments
Saturday, March 29, 2008
قل هو الله احد
Posted by الشموع البيضاء at 7:14 PM 10 comments
Wednesday, March 26, 2008
القيود البشريه..؟؟؟
القيود البشريه..سلاسل فطريه لا مرئيه
اخطبوط تلارتباط والصلات الانسانيه...كلها مسميات فى نظرى للارتباط بالبشر
هتقولولى ده الجنه من غير ماتنداس ياختى..ده برده اسمه كلام؟؟
خليكو معايا ونشوف :-)
كل ارتباط هو شىء متعب..ارتباطك بشخص تحبه او تكرهه نوع من القيد
ارتباطك بضعفك البشرى ولكن يجب ان تقاوم والا تنهزم ..قيد
ارتباطك بطموحك واحلامك وماتحقق وما تامل ان يتحقق قيد
ارتباطك بتخطى الصعاب والمشاعر الانسانيه السلبيه من كره و غيره والم وحزن وياس واحباط..قيد
ارتباطك بافتقادك لحبيب غائب او اب رحل عنك ومعاناتك..قيد
لو ذكرت كل قيود العلاقات البشريه والسلاسل النفسيه بداخلنا وصراعتنا المعقده والمتشابكه بداخلنا لاحتجت ان اكتب الكثير
هيسالنى ناس يقولولى ليه شايفاها قيود؟ ليه مش شايفاها روابط وعلاقات انسانيه بتدى لون ومعانى ساميه للحياه؟؟
يمكن لانى من فتره حاسه ان المعانى دى بتندثر زى الديناصورات..اصبح الناس يرونها قيد وياعم كبر دماغك
لما تلاقى انك تعطى فقط ..عشان كده جالى السؤال ده ونط فدماغى زى نيوتن لما وقعت التفاحه قدامه وفكر فقانون الجاذبيه
خدتوا بالكوا معايا..ركزتوا؟ السؤال هو..هل من الممكن ان تكون هناك سعاده بلا قيود؟؟
وافتكرت جملة انيس منصور
اروع العلاقات مابين رجل وامراه..وهى اقسى العلاقات..فكلما اقتربت اكثر..تالمت اكثر..وكلما ارتبطت اكثر..تعذبت اكثر ولا يوجد هناك حل؟؟
ونا شايفه انه مش بس بين الرجل والمراه..لا كمان فى الصداقه فى الاخوه فى الاهل فى الشغل..شبكة العلاقات البشريه بانواعها ودرجاتها
وجالى احساس وانا بفكر انى طائر محبوس مكبل بقيود وفوقهم قضبان الحياه..اريد ان احلق بعيدا وافرد اجنحتى كلها فى الهواء وترفرف واشم رائحة الحريه والراحه..
Posted by الشموع البيضاء at 3:10 PM 15 comments
Saturday, March 22, 2008
اليوم اجازه من معبدك
Posted by الشموع البيضاء at 7:12 PM 23 comments
Thursday, March 20, 2008
الدم ده دمى..
Posted by الشموع البيضاء at 3:29 PM 13 comments
Sunday, March 16, 2008
البلياتشو؟؟؟
Posted by الشموع البيضاء at 9:23 PM 18 comments
Tuesday, March 11, 2008
اريد ان اكون مجهولة الهويه والمكان
Posted by الشموع البيضاء at 12:24 AM 31 comments
Friday, March 7, 2008
ضعت بين اوراقى
Posted by الشموع البيضاء at 10:28 PM 35 comments
Tuesday, March 4, 2008
توافق يسب رسولك ودينك على قناه عربيه؟؟؟؟؟؟؟
هل توافق ان يسب رسولك على قناه عربيه فى بلد عربيه باموال عربي مسلم؟؟ هل توافق على ماسمحت به قناة الجزيره فى برنامج الاتجاه المعاكس يوم الثلاثاء بتاريخ 4 مارس 2008 للمدعوه الحقيره الكافره وفاء سلطان بالتطاول على الهنا سبحانه وتعالى ونبينا صلى الله عليه وسلم وقراننا الشريف؟؟؟؟؟
ماذا اقول لك يارسول الله حينما اراك يوم القيامه؟؟
ماذا نقول لك يا الله؟؟
كيف نلقاك؟؟
كيف تسمح قناة عربيه مثل الجزيره ان تتطاول هذه الحقيره على الهنا وقراننا ورسولنا وتدعونا نحن بالتخلف وديننا ورسولنا بما يعف لسانى عن اعادته مره اخرى؟؟
لهذه الدرجه اصبحنا مهانين؟؟ليتنا نحن من نهان ولكن من؟؟ رسولنا الذى تشققت قدماه وكسرت رباعيته الشريفه وسالت دماؤه من اجلنا نحن؟؟ احنا ؟؟؟ والله مانستاهل؟
صدقت يارسول الله حينما قال:
يوشك الامم ان تداعى عليكم كما تداعى الاكلة الى قصعتها فقال قائل:ومن قلة نحن يومئذ؟ قال رسول الله: بل انتم يومئذ كثير، ولكنكم غثاء كغثاء السيل ،ولينزعن الله من صدور عدوكم المهابة منكم وليقذفن فى قلوبكم الوهن، فقال قائل يارسول الله ومالوهن؟ قال:حب الدنيا وكراهية الموت .انا حاسه اننا مقصرين جدا..سبب غيظ هؤلاء وجنونهم انتشار الاسلام كل مؤشرات البحث والمعدلات تثبت ان الاسلام ينتشر فكل مكان فى اوروبا التى كانت منشا الكنيسه الكاثوليكيه والبروتاسنتيه..وامريكا والصين وجنوب شرق اسيا..نعم فهذا مايسمى بالصراخ على قدر الالم ..اصابهم الجنون ولكن استهانوا بنا كمان..
يعنى كان ماكان من الدانمارك وحسبنا الله ونعم الوكيل لكن كمان فى قنواتنا ؟؟؟؟؟
اما هذه وفاء( سرطان) التى فى معقل الصهيونيه التى تتحدث عن الاسلام يبدو انه وجب فضح هؤلاء وكشف معتقداتهم الفاسده
ينسبون الينا نحن الارهاب؟والتخلف؟
عاوزين تشوفوا عينه صغيره جدا من كتبهم المقدسه الانجيل والتوراه؟؟
فى نسخة الفانديك انجيل حزقيال:الشيخ والشاب والعذراء والطفل والنساء اقتلو للهلاك ولاتقربوا انسان عليه السمه وابتدئوا من مقدسى فابتدئوا بالرجال الشيوخ الذين امام البيت !!!!!!!
الفانديك :هوشع:بالسيف يسقطون،تحطم اطفالهم والحوامل تشق بطونها!!!!!
وهذا النص التالى ساعتذر جدااااااااا لكل القراء عن وضعه ولكنه ضرورى لنرى انه ليس ارهاب فقط ولكن كمان.......اترك لكم التعبير
الفاندايك انجيل حزقيال سفر 23:22واهم حاجه تركزوا انه كلام مقدس؟؟
لاجل ذلك يا اهوليبه هكذا قال السيد الرب:هانذا اهيج عليك عشاقك الذين جفتهم نفسك واتى بهم عليكى من كل جهه!!!!!!!
وما خفى كان اعظم ولكن يعف لسانى وانئى بنفسى ان اذكر باقى دينكم الذين تزعمون..
بجد مش عارفه اقول ايه؟؟ مش لاقيه كلام مش لاقيه تعبير مش لاقيه حل؟ مش لاقيه رد اقابل بيه ربنا ولا رسولنا؟؟
فـــــــــــــــدتك نفسي يـــــــــــــــــا رســــــــــــــــــول الله http://soutalhaq.net/forum/showthread.php?p=66212#post66212
ان كنت لاتوافق ان يسب رسولك على قناه عربيه وفبلد عربى مسلم؟؟ ابعث رساله لبرنامج الاتجاه المعاكس تحتج فيها على هذه الاساءه
opp@aljazeera.net
ولا كمان دى حاجه صعب نعملها؟؟؟ وهنكسل؟؟ ونقول يعنى ده هيعمل ايه؟؟
انشر موقع لكل الاجانب يتعرفوا على الاسلام http://discoverislam.com/
موقع لنشرة سيرة الحبيب المصطفى
http://mohammad.islamway.com/
من هو محمد عليه افضل الصلاة والسلام
http://www.ebnmaryam.com/deedat1/deedat1.htm
مجهود الناس فى ترجمة تقارير عن انتشار الاسلام ماليه اليوتيوب وادى عينه منها مفروض ننشرها
http://www.youtube.com/watch?v=i9E6q6uZjOs
http://www.youtube.com/watch?v=uzCyHXEt2SY&feature=related
عاوزين نعمل اى حااااااااااجه بقى..مش هنسكت..
لمتابعة تفاصيل الموضوع تابعوا فى مدونه
http://ebn-elfarouk.blogspot.com/2007/12/blog-post_9808.html
وحسبنا الله ونعم الوكيل
سامحنا يارسول الله
اغفر لنا يا الله
Posted by الشموع البيضاء at 4:20 PM 15 comments
Sunday, March 2, 2008
احلام تنتحر واحلام تولد..واحلام توئد
افتح شبابيك الحلم..وافتح طريق لبكره واى شىء بقى علم..كان فالاصل فكره
الارض دى كانت بور ..والضلمه صبحت نور..
كلنا واحنا صغيرين بيكون عندنا احلام ..احلام صغيره وحالمه واحلام كبيره متعلقه بمستقبلنا وحياتنا
وبتعدى السنين وتمر الاحداث وفى وسط الزحام وكراكيب الايام والمشاكل نفتكر او يمر قدامنا حاجات ونضحك ونقول يااااااه كان يوم من الايام نفسى اكون كزا او اعمل كزا او اروح المكان ده او ادخل كلية كزا او اتجوز البنت او الولد ده.....
لو بطلنا نحلم نموت..
حقيقى لو بطلنا تكون لينا احلام يقظه او احلام خياليه او طموح هتكون الحياه ماديه صعبه بدون طعم ولا احساس..
ولو حلمنا اوى واتمسكنا بحلمنا ايا كان نوعه ومتحققش وقعدنا نحاول ونحارب عشانه وبرده متحققش ممكن نصاب باحباط ونبطل نحلم ونبطل يكون عندنا دافع اننا نحاول تانى وتالت عشان مانحسش بالفشل تانى ؟؟؟؟
كنت دايما اسمع الحمه الى بتتكلم عن خلى دايما حلمك وطموحك كبير عشان توصله..لكن لو حلمك صغير هتقف عنده ومش هتتقدم ولا ياترى نحلم زى المثل المصرى الى بيقول (على اد لحافك مد رجليك)
بس المخترعين ورجال الاعمال العصاميين والكتاب واصحاب الابداع مفكروش اكيد فموضوع اللحاف ده!!
ولا زى كلمات اغنية منير : قبل ماتحلم فوق ..
احلم وانت فايق..
قبل ماتطلع فوق انزل للحقايق
جايز حلم فغمضة عين عايز يتحقق فسنين..حلمك لسه فايديك ..حاول مايموتش ..حاول ..حاول..
ولا نمزج احلامنا بشىء من التخطيط والواقعيه ..بس الحلم جماله فانه حواليه هاله من الجمال والسحر..هروب مؤقت سعيد بعيدا عن ارض الواقع ..بس اوقات ممكن تحلم وتطلع لسابع سما وتصحى تلاقى نفسك وقعت من السرير وبتتخبط على الارض..ياترى نسمع كلام منير ونفضل نحلم عشان منموتش؟؟
Posted by الشموع البيضاء at 10:41 PM 6 comments
Saturday, March 1, 2008
Friday, February 29, 2008
هل الانسان عدو نفسه؟؟!!
'
هذه النفس التى بداخلى التى تشاركنى كل دقيقه فى حياتى ..فى انفاسىوافكارى
لا اعرف بماذا اصفها..لقد وصفها الله فى القران الكريم بثلاث صفات ..نفس مطمئنه ونفس لوامه ونفس تحث على الشر
وهذه النفس القابعه بداخلى..متعددة الوجوه كل ساعه بحال..تارة تنصحنى وتكون حكيمه..وتارة اخرى تكون نفس غضبى وتشحذ همتى ان اخذ موقف وانتقم..
وتارة اخرى نفس هادئه وديعه..وتشد من ازرى وساعات تكون هذه النفس اللوامه
يا الله حينما ترتدى هذا القناع عندما تلومنى على كل حرف وكلمه وتصرف..
وكلما هربت منها لاحقتنى وكم هيا ثرثاره مقنعه
فى اوقات اود لو اقتلعتها من داخلى وقتلتها وشربت من دمها..وساعات تشعرنى بالجنون وانى بداخلى شخصيات اخرى وانى مصابه بتعدد الشخصيات !!!
وهل ياترى انا وحدى كذلك ام الانسان عموما؟؟
هذه النفس بداخلنا تدفعنا رغبة فى الحياه والكفاح والانتظار والبقاء..
وفى رغبة اخرى فى الموت والاستسلام والهزيمه
كذلك نحن ..نبنى المدن الجميله ثم نحطمها بالقنابل والحروب ..او الاهمال
نبحث عن الحب وحينما نجده يعذبنا ونعذبه..وان لم نجده تعبنا ونتعذب ايضا
هل نحن اعداء انفسنا؟ هل كل منا يحمل عدة اشخاص بداخله؟
Posted by الشموع البيضاء at 10:51 PM 5 comments
Wednesday, February 27, 2008
اراسلكم من قلعة الارق والقلق
Posted by الشموع البيضاء at 10:43 PM 0 comments
موانىء بلا ارصفه
الى صديقة النفس القريبه منى رغم انى لم اراها ولكنها صديقتى عبر كلماتها..
الشاعره انتصار العقيل..
هذه كلمات من كلماتها العميقه الجميله
........
*الحياه معركه ..البعض فيها يقود..والبعض فيها يقاد..فان لم تستطع ان تكون سيدا لنفسك فيها فاعتزل البشر..ولا تكن عبدا للاخرين..واعلم ان القوى ينمو بالعزله..اما الضعيف فيموت فيها!!
*البعض يفكرون بعقولهم..والبعض يفكرون بافواههم..والبعض يفكرون بجيوبهم....والبعض لا يفكرون ابدا!!
*فى داخل كل منا طفل..كلما كبرنا..ازداد احتياجه للحب والحنان!
*قال لها:انت كالارض لكنك اكثر جابيه وعطاء...فقالت له:انت كالشمس لكنك اكثر اشراقا وحراره
ما اجمل ان يولد الانسان فى عز نضجه وما اجمل ياسيدى ان اولد من خلالك..
الفكر بحر لا ميناء له ولا رصيف..
والكاتب الذى يحتاج الى رصيف لكى يرسو ويستقر..انما هو كاتب لا يستحق الابحار اصلا......
Posted by الشموع البيضاء at 12:26 PM 1 comments
يوم ان التقيت بك حبيبى..
ماكنت اعلم انك كبحر تملا مسافات نظرى
ماكنت اعلم انك كالسماء تحيط حدودى
وانك كالشمس والقمر تضىء سمائى
..وانك كالعازف فوق اوتار قلبى
فلست بشاعره..
انما الشوق..والحنين اليك..وحركنى الالم..فتحرك القلم ..وتحدث بما فى الصدر
فلا الم يؤلم مثل الم الشوق..ومالموت الا الحياة بعيدا عن الاحباب..
(الى حبيبى وخطيبى شريف).....
Posted by الشموع البيضاء at 11:44 AM 2 comments