قررنا نحن الشموع السوداء (سابقا(...تغيير التوقيع واسم المدونه الى الشموع البيضااااااء
؟؟؟؟؟ !!!!!!!!
طبعا هتستغربوا ايه السبب وايه السر؟؟
واول واحده هتتبسط العزيزه مدونات زوجه عاشقه لانها نفسها اغيرها للفوشيا او البيضاء بس ايه رايك مش الابيض اجمل :-)
المهم عشان مطولش عليكوا ..قولوا طولى براحتك
قررنا نحن معالينا ماروول تغيير الاسم الى الشموع البيضاء
رغم ان الشموع السوداء كان عزيز عليا اوى وعرفتكوا وعرفتونى والمدونه بالاسم ده بس برده ان شاء الله نكون سوا بالاسم الجديد برده
اممممم برده لسه معرفتوش السبب صح؟؟
وهتضربونى وزهقتوا
المهم..السبب
هو
هو
هو
خطيبى شريف
هو الى غير حياتى من الشموع السوداء الى البيضاء
وكمان
عشان احنا فرحنا ان شاء الله
هيكون كمان كم شهر
فقلت يعنى ميصحش الشموع السوداء
ده حتى فال مش حلو
اى نعم احنا بنتخانق من دلوقتى واوقات الدنيا بتولع
بس اهو اعمل الى عليا وامشى ورا الفال الحلو
بليييييز كل الى بيحبنى قبل مايمشى من هنا
او يكتب التعليق
يدعيلنا ربنا يتمملنا على خير ويوفقنا
ويبعد عننا الشيطان والخناق
بليز ياجماعه الخير
تحيااااااااااتى للجميع
Wednesday, April 2, 2008
اكلاكيت اول مره ..الشموع البيضاء
Posted by الشموع البيضاء at 12:47 AM
Subscribe to:
Post Comments (Atom)
.jpg)
24 comments:
اللهم اجمعنا على الخير وطاعتك وارضى عنا ويسر لنا الامور ورجائنا بك لا ينقطع الله م صلي على سيدنا محمد واله وصحبه الي يوم الدين اللهم اميين
اجمل كلام سمعته في حياتي
ألف مبروووووك يا جميل
انا اول مرة ازور مدونتك صحيح
انما الأبيض احلي طبعا
ربنا يتمم لكوا علي خير و يبعد عنكوا الشيطان و الخناقات ان شاء الله
عجبتني مدونتك و خصوصا و هي شموع بيضاء مش سوداء
:D
ان شاء الله ابقي زائرة دائمة
ربنا يوفقك
تحياتي
ده كلام جمييييييييييييييل أوى أوى أوى يا ليلة بيضة وزى الفل أحلى اسم الشموع البيضاء وان شاء الله تكون بيضة على الكريم سودة على اللئيم وفحلقى على اللى يتعب الحريم ,,معلش أصل فيه فرح شعبى جنبى (فال حلو أهه ) ومأثر على اللغة بس ,,بجد اسم رائع ويا رب يسعدك ويتمم لك بكل خير أنت وخطيبك المحظوظ اللى الست والدته دعياله فى ليلة بيضا انك تكونى زوجته وشريكة حياته
تعالى بقى خدى التاج والبسيه مع الطرحة وفستان الفرح ومش أى تاج ده تاج عن سيدنا وحبيبنا رسول الله متتأخريش يا بيضا
anonmyous:
اللهم امييييين.. طبعا انا عرفت انه خطيبى شريف المتخفى ..لانه مش بيحب يعلق هنا عشان يدينى حرية الكتابه وبيحب يقرا كلامى وافكارى ويعلق بينا..
ربنا يوفقنا للخير ولرضاااااه..سعيده موووووت بكلامك ..وكل سنه وانت طيب بمناسبة عيد ميلادك وعقباااال مية سنه سوا..بس اوعى اكون وقعت سنانى وتغير رايك ساعتها..هه انا بحذرك علنى اهوه ..انا جبت كل انواع السواطير فى الجهاز واخد بالك معايا :-)
بالتوفيق انشاء الله...ربنا يتمملكوا على خير
:))
يا رب يسعدكما ويبعد عنكم كل شر
النبى صلى الله عليه وسلم قال
(تفاءلوا بالخير تجدوه)
الف مبروك
الف الف الف مبروك ويارب تبقى مبسوطة طول عمرك مع الانسان اللى بتحبية ويبعد عنكوا كل حاجة وحشة يارب يارب
ربع جنية سلف بقى عشان الدعاوى دى كلها ومبروك على الاسم الجديد كمان متهيألى مافيش احلى من اللون الابيض
ماروووووول العزيزة( زي بنتي او اختي والله يا عم شريف )
اولا وقبل اي تعليق
الف مبرووووووك وخبر جميل
ويارب يكون الفرح في الصيف ونتعزم
ثانيا طبعا الشموع البيضاء احسن كتير رغم حبي لصالح سليم ونجاه وكلبهم كمان!!!!
ثالثا حضرتك عارفة ان انا متابع مدونتك دي من البداية تقريبا
ومن اول مره وانا متاكد ان ورا المشاعر المرهفة دي نفس حساسه وطبيعة رقيقة وصافية
نصحتي ليكوا
خلوا حبكوا لبعض هو تاني اولويه في حياتكم بعد اسلامكم طبعا
ومتخلوش اي هدف تاني في الدنيا ابدا يسبقه
وصدقوني كل الاهداف التانية هتتحقق بجداره بعد الهدف الاساسي
تحياتي ومبروووك تاني وعزرا للإ طاله
مجداويه
= = = =
اولا كل الكلام الحلو ده ليا انا كده هصدق ..ربنا يخليكى بجد سبحان الله بحبك فى الله من غير ماشوفك..وربنا يجمعنا دايما فالخير
ثانيا عقباااال يارب مانفرح ببنوتك الجميله وتشوفيها احسن بنوته يارب
ثالثا بقى تسلميلى على التاج ولو انى حاسه انى قلقانه وخايفه والواحد بيتكلم عن سيد الخلق صلى الله عليه وسلم
خايف من الحقيقه
= = = = = = =
بجد بتنورنى بزيارتك وتعليقك
مافيش اطاله نوووو المدونه مدونتك علطول
الله يبارك فيك يارب وبعدين عاوزين نعرف بقية الحلقاات الموضوع شاددنا ومتابعين
بالنسبه لموضوع ان اسلامنا اول هدف والله فعلا كلامك صحيييييح واغلى نصيحه فعلا لان هيا دى اصل حياتنا هو اسلامنا الى بيحددلنا الطريق وبيوصلنا للخير دايما..والحمد الله دايما بنحاول ونفضل هنحاول نكون للاحسن ويارب نكون من الناس الى ربنا بيرضى عنهم ..اللهم امييين
bongo
= = =
الله يبارك فيك وسعيده بزيارتك ويارب تكون زياراات كتير نورتينى
marvel
= = = =
متشكره جدا على الدعوه ربنا يبارك فيك
la3lahkhier
= = = = =
فعلا حسن الظن فى الله من سمات المؤمن ربنا يجعلنا منهم
متشكره على الدعوه بجد فرحت بكل الى دعولى
facemoon
= = = = =
هههههه بس ربع جنيه ده انتى قنوعه جدا فزمنا ده..تسلميلى بجد على الدعوه والتعليق ربنا يباركلك يارب
خايف من الحقيقه
= = = = = = =
نسيت اقولك انه معزووووم طبعا ان شاء الله وكل الى دعولى معزوووومين والله اجمل حاجه فالدنيا تحس ان ناس بتحبك وبتدعيك احساس حلو اوى فالزمن ده احساس نادر فيه نقاء فى زمن المصالح والفساد الاخلاقى والاجتماعى والسياسى وكل انواااعه من هنا للاسبوع الجاى
وانا كمان نسيت اقولك ان انا لو كنت في مصر في ميعاد الفرح هاجي من غير دعوه ...ومش هخاف خالص وهتكون معايا ست الناس ... الحقيقية
بجد مش مصدقة ،يا فرحة قلبي ياولاد ،يا سعدى يا هناية وكمان أسمى فى التدوينة ، ،لأ لأ لأ حد يقرصني يمكن بحلم
الف مبروك ربنا يتمم لك على خير ويبعد عنك وعنه كل شر
بجد فرحتلك أوى ربنا يسعدك ويجعل أيامك كلها هنا وسعادة ،ماتتصوريش أد إيه بجد مابطيقش اللون الأسود،بس رغم كدة كنت حباكى أوى مش عارفة لية ،بجد لو أقدر أجيلك آجى واباركلك بنفسى ،ماتنسيش بقى أول حاجة تعملوها تصلوا ركعتين مع بعض سنة الجواز بفستان الفرح ،ياما نفسى أفرق شربات ورد وفراولة بإدية على المدونين كلهم ،ربنا يجعل حياتك كلها ابيض على بمبى على فوشيا (مصرة أنا على الفوشيا مش عارفة لية؟)
عزيزتي الشموع البيضاء
حلو الأسم الجديد و يارب يكون وشه حلو عليكم انتي و شريف و علي المدونه
و ربنا يتمم بخير و يكون زواج مبارك انشاء الله و يسعدكم يارب
و بخصوص الشد و الجذب بينكم صدقيني يابنتي بيدي للحياه طعم و ربنا يوفقكم سوا و يتمم بخير
:))
الله.. ايه الاخبار الجميلة دي
الف مبروك و ربنا يتمم بخير و يسعدكم و يبعد عنكم الشيطان
تمنياتي و دعائي بان تكون ايامك كلها بيضاء و سعيدة
تحياتي
خايف من الحقيقه
= = = = = =
ياريييت والله يكون ليا كل الشرف تنورنى انت وست الناس الحقيقيه تحياتى ليها ..ربنا يكرمكوا يارب
مدونات زوجه عاشقه
= = = = = = = =
انا كمان والله بحبك فى الله سبحان الله من غير ما اعرفك شخصيا بس صدق لاسول الله ارواح بتتالف وتتنافر...عزيزتى انا الى ليا الشرف ان يكون اسمك فمدونتى..وربنا يباركلك ونفرح بالاولاد قريب ونيجى نبارك ونهنى ولو انهم هيكبروكى حبه بس ولا يهمك احنا سننا بيقف عند حد معين ومبيتغيرش بعدها :-)
dramaqueen
= = = = =
جزاك الله كل خير دايما بتسعدينى بزيارتك وتعليقك..ومتشكره اوى على الدعوه
اجندا حمرا
= = = =
متشكره اوووى على الدعوه والتهنئه ربنا يبارك لك بتشرفنى حقيقى بزيارتك وتعليقك وكمان بتدعيلى
sampateek
= = = = =
مش معقول بجد نورتينى باول زياره ويارب يكونوا كتير زيارات...ربنا يكرمك متشكره اوى على زوقك ودعوتك
السلام عليكم ورحمة الله وبركاته
اختي الحبيبة الشموع البيضاء
خير جميل اختي انت ما تغيرتي انتي قمر من يومك ما هو القمر ليه جهة سوداء وجهة بيضاء انت بس دورتي شوية بس ضليتي قمر مثل ما انت
اتمني لك حياة طيبة مع زوجك في المستقبل واساله تعالى ان يجمعكما على طاعته وفي رعايته وحفظه وأساله تعالى ان تكونا عونا لبعضكما على امور الدنيا والاخرة
خلص الكلام من عندي بس انا حابة اكتب لك كمان خلاص المرة الجاية ان شاء الله
احبك في الله
الف الف الف مليووووووووووووووووون مبرووووووووووووك
وربنا يوفقكم يااااااااااااااارب ويبعد عنكم كل عين وحشة وكل شر ان شاء الله
ما تنسيش تعزمينا على الفرح بقى ان شاء الله
تحياتى
:)
أنا في غاية الأسف أنني قد تغيبت عن المدونة هذه الفترة ولكن يعلم الله مشاغلي فاعذريني
بارك الله لكما وبارك عليكما وجمع بينكما في خير.
ولقد أحسن السيد شريف الأختيار فتبارك الله عليه.
وأنا على مل من صاحب الأمل سبحانه أنه بتغييرك من الأسود للأبيض أن العلي القدير سيجعلك والسيد شريف أهلاً لبياض القلب وسلامة النفس وهدوء السريرة.
إحترامي وتقديري وتمنياتي القلبية بكامل السعادة
الف مبروك وبالتوفيق ان شاء الله
وعقبال ما يجى لى اللى يرجعنى نهر الحب
لكنى الوقت فى اجازة الله اعلم راح ارجع لنفسى منها امتى
مبروك وبالتوفيق
بس ما تنسى الجاتوة
اولا انا عاوزة احيي شريف خطيبك لأني ما كنش عاجبني الشموع السوداء ده خالص وربنا يجعل كل ايامك بيضا ولبن حليب
والف مبروك .. الجواز اللي ان شاء الله هيلون ايامك بألوان قوس قزح
بعدين ما تقلقيش من موضوع الخناق ده .. ده غالبا من التوتر ، انا فضلت اتخانق مع جوزي لغاية ما دخلنا الفرح وفرحنا مع اهلنا واصحابنا . واتجوزنا وخلفنا صبيان وبنات وعشنا .. في مصر
ربنا يسعدك يا رب
Post a Comment