فى تدوينه لاحد المدونين ردا على بوست كتبته زميله مدونه عن موضوع اجتماعى نموذج سىء لللبنات وكانت بتنتقده مش بتؤيده.. الشخص المحترم قام رد بعمل بوست حط مقدمته انه تنفيس عن الشخص العنيف الى جواه وانه بجد مش هزار ان البنات ميكملوش قرايه لانه كتبها فوقت غضب وكلام فيه عنصريه..مفهمتش ايه الموضوع كملت قرايه لقيت سيل من المستوى الوضيع من السباب والالفاظ الخارجه والنابيه..ومكملتش ولقيت فى التعليقات ناس كاتبه ده بوست تاريخى ده انت عبرت عن الى جوانا وغلنا؟؟؟
وبغض النظر عن موضوعية نقده او عنصرية كلامه او هجوم وكل الكلام ده..الى لفت انتباهى الوضاعه والمستوى المقرف الى عامل بيه البوست واول مره واخر مره ازوره ومكتبتش تعليق لانه لايستحق انى اكتب نقد حتى
المهم بقى فى القصه انك تلاقى تنين واحد يقول للتانى لو مكانش فى بنات قاعدين كنت رديت عليك وعرفت اوريك ويقعدوا يضحكوا ومن ده بقى مواقف كتير
لا بصراحه ناس زوق ومحترمه
لاوكمان الموضوع امتد للبنات
اشمعنا الولاد يعنى والاقى بنات مستواهم اجتماعيا عالى بيهزروا وبيضحكوا انهم بيشتموا بعض وبما يتقال عليه بين قوسين كلام ابيح ومفروض انى اضحك معاهم ايه المضحك يعنى؟؟؟
لحد هنا بقى وعلامة الستوب
ايها الرجل المحترم الى بتحافظ على حياء البنات ومتجرحش سمعهم
بكلامك طيب ماتحترم نفسك ومتقولوش اصلا ولا دى من علامات الرجوله والخشونه؟؟
بتتباهى بايه بمستوى وضيع من الكلام؟
وانتوا يابنات ياحلوين خلاص حققتوا المساواه؟؟
وبقينا بنعرف نشتم ونهزر بالكلام ده وبقينا روشين ودمنا خفيف؟؟
هيا الناس دى صح ولا انا الى مزوداها ومتغاظه؟؟
هو الرسول صلى الله عليه وسلم فاحاديثه قال راجل وست؟؟
ااااه معلش نسيت صحيح ماحنا رسولنا اتهان واسىء له لاننا اصلا بطلنا نعمل بالكلام الى قال عليه
هو الرسول الم يقل؟؟
ليس المؤمن بالطعان ولا اللعان ولا الفاحش ولا البذىء؟؟؟
الم يقل
ماكان الفحش فى شىء الا شانه وماكان الحياء فى شىء الا زانه؟؟
الم يقل
المسلم من سلم المسلمون من لسانه ويده
؟؟؟؟؟؟
الم يقل
سباب المسلم فسوق
؟؟؟
هو الاحاديث هنا موجهه للنساء فقط؟
لكن تعدد الزوجات نفتكره كويس عشان على مزاجنا؟؟
سبحان الله معاير مقلوبه معرفش مصدرها ايه؟؟
والاستاذ الى كتب التدوينه عمره ماهيجى فباله ان كل الى قروا البوست فميزان سيئاته ان شاء الله
احسن برده عشان متغاظه بجد من الفجاجه دى
**وعموما الى عاوز يقول انى دى تحبيكات وكلام دراويش وعقد يقول
19 comments:
السلام عليكم يا قمر
ما تعصبش يا قمر ما حد يستاهل
نحن نرى ما يحصل حولنا من فتن وانحلال ولا حول ولا قوة الا بالله ولكن اختي نحن من واجبنا ان نذكر هؤلاء فلست تعرفين ولا انا اعرف ولا اي احد فينا يعرف ما اثر هذه الكلمة في قلب ذاك الشخص كان لازم تتركي له تعليق تنصحيه بالعودة لله وكفى
انا بعرف الامر ربما كان صعب عليكي ولكن هؤلاء ناس ستحزن عليها نسأل الله لهم الهداية
اللهم اجعلنا هادين مهتدين غير ضالين ولا مضلين حرباً لأعدائك وسلماً لأوليائك نحبب بحبك من أطاعك من خلقك ونعادى بعداوتك من خالفك من خلقك، اللهم هذا الدعاء وعليك الإجابة، وهذا الجهد وعليك التكلان اللهم امين
السلام عليكم ورحمة الله وبركاته
المقاييس ليست مقلوبة ومصدر ما تجدينه قد قاله تعالى { يَا أَيُّهَا الَّذِينَ آَمَنُوا ادْخُلُوا فِي السِّلْمِ كَافَّةً وَلَا تَتَّبِعُوا خُطُوَاتِ الشَّيْطَانِ إِنَّهُ لَكُمْ عَدُوٌّ مُبِينٌ (208) } والمعنى أن نأخذ الدين كله وألا نترك منه شيء وقول الله أيضا { أَفَتُؤْمِنُونَ بِبَعْضِ الْكِتَابِ } فهذا الأمر قد سبقنا اليهود إليه وها نحن الآن نرى من المسلمين من يفعل ذلك ولا حول ولا قوة إلا بالله
مسألة إعجاب الرجال بتعدد الزوجات مثلا وتركهم غض البصر وحفظ اللسان وغيره من أمور الدين هو شيء مرفوض ولا يُقبل فلنأخذ الدين ككل دون تتبع أهوائنا { وَلَوِ اتَّبَعَ الْحَقُّ أَهْوَاءَهُمْ لَفَسَدَتِ السَّمَوَاتُ وَالْأَرْضُ وَمَنْ فِيهِنَّ بَلْ أَتَيْنَاهُمْ بِذِكْرِهِمْ فَهُمْ عَنْ ذِكْرِهِمْ مُعْرِضُونَ } وأذكرك أيضا بقوله تعالى { وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ إِنْ يَتَّبِعُونَ إِلَّا الظَّنَّ وَإِنْ هُمْ إِلَّا يَخْرُصُونَ } فمن الطبيعي أن تشعري بشيئ من الغربة وسط ما ترينه من سفاهات وتفاهات لأننا لو اتبعنا أكثر من في الأرض كانت النتيجة ؟؟
أقول قولي هذا واستغفر الله لي ولك والسلام عليكم ورحمة الله وبركاته
عزيزتي صاحبه الشموع البيضاء
شوفي اللي بيشجع حد علي اللي بيكتبه من عبارات نابيه و خادشه للحياء يبقي زيه اكيد و اسلوبه بالظبط زيه
و اللي بيقول بوست تاريخي يبقي عليه العوض في شبابنا
الاختلاف في الرأي زي مابيقولوا لا يفسد للود قضيه
اتكلمت قبل كده في موضوع سابق عندي و كتبت ديالوج عن بنت ركبت المترو و الراكبات ماسلموش من لسانها
ماكنتش بساند البنت لكن كنت بشير ان النوعيه دي من البنات موجوده و بنشوفها كتير
صدقيني التربيه عليها عامل كبير اوي في تنشئه البنت او الولد و اخلاقه
تحياتي ليكي علي البوست اللي بيثير نقطه مهمه جدا
السلام عليكم
معاكي حق والله فالكلام اللي قولتيه لأ والاظرف انك مثلا تلائي بنت أموره وشكلها ابن ناس وتقف تقولك جبت حتة موبيل صايع
هى صايع دي مش ستيمة؟!!!
لأ الهانم تقصد بيها حاجة تانية
والفاظ عجيبة كده بتتقال ساعات والله ببئى مكسوفلهم
وكمان الهزار بين الصبيان بالايد دي حاجة فمنتهى قلة الادب والوقاحة ومايصحش ابداً تحصل
انتي مش مزوداها ولا حاجة انتي بتنقلي واقع
تحياتي
انا معاكى فى كل اللى كتبتيه بس للأسف الأسلوب المنحط ده بقى هو اللى ماشى فى الحورات دلوقتى .... الإ من رحم ربى
والمؤدب اللى مبيتكلمش كلام بذىء بقى معقد و خنقه..هى دى معطيات مجتمعنا دلوقت الإنحطاط فى كل شىء...
هى البلد وصلت للحال ده من شويه... ما هو من افعالنا
علشان كده انا بشجعك ولو كلنا وقفنا ضد الكلام ده وبطلنا سلبيه اكيد الوضع هيتغير
بصى أنا ماقرتش طبعا الكلام دة بس فعلا بقى فيه بنات غريبة،أيام ماكنت فى الجامعة (لأمش بعيد أوى كدة،أربع خمس سنين )كنت بشوف مواقف ومناظر !!،وافضل واقفة ومبرقة ،ربنا يهدى بنات المسلمين يارب ،وبعدين روقي أعصابك كدة وماتتنرفزيش ،عايزينك زى القمر يوم الفرح0
ما تضايقيش نفسك بس يا جميل
الناس اللى زى دول موجودين فى كل حتة ومالين البلد يعنى
ما تضايقيش نفسك بجد بسببهم وبسبب كلامهم اللى فاهمين انه بيخليهم كول ومافيش زيهم
روقى يا جميل
تحياتى
:)
بضم صوتي لصوتك وبدعي ربنا انه يكتر من امثال الناس الغيوره على الدين والأخلاق زيك , انا الحقيقه عملت زي كل مره وسبت المدونه فورا لما لقيت اسلوبها بالشكل ده لأني دايما حريص اني ميطولنيش شىء من الألفاظ دي اذا حاولت انصح صاحبها لكن
بصراحه اقتنعت بكلام ورود بلا أشواك وواحد من الناس وعشان اكون ايجابي رحت عنده المدونه وسيبتله تعليق يحتوي حديث عن الرسول وعلقت بإسمي كمان وقولت لنفسي اهو لو اتشتمت هيكون ده تمن بسيط قوي في سبيل ابلاغ شىء عن الرسول صلى الله عليه وسلم
جعله الله في ميزان حسناتنا واياكم
للأسف فيه ناس بتستغل كتاباتها فى جرح شعور الغير معرفش حيستفيدوا اية من كدة وللأسف الاسلوب الجارح دة بينفع مع ناس كتير ومش بتحس انه اصلا بيجرح لان معظمهم مبقاش يحس حتى البنات معظمهم اختفى منهم الحياء مش زى الاول وربنا يهدى الجميع
موضوع جميل موفقة دايما
السلام عليكم ورحمة الله وبركاتة
اولا للاسف اللغة السوقية التى تبتعد عن الحياء والاخلاق اصبحت لغة شائعة وما عاد الحياء سمة لاغلب الالفاظ
حتى فى التعليقات على المواضيع الجادة او وجهات النظر المتباينة
واذا حدثتيهم بالدين ينظروا لك وكانك من عالم اخر غير اللى احنا فيه
اما بالنسبة للبنات فدى مصيبة فكرين ان در من اصول الروشنة
والعديد منا معلوماته الدنينة محدودة للغاية
وكمان الولاد يعنى
انا معاكى فى اللى كتبتية
بس اعتقد الحل كمان فى ايدنا اننا نحاول نهذب من انفسنا
ونرتقى بالفاظنا
وطبعا الكلام للناس اللى بتستخدم عبارات والفاظ تخدش الحياء
عارفة احيانا تحدث لى اننا مثلا فى انفايت تدخل بنت او اتنين معنا ويتكلموا وحش خالص
فبخرج
بس الموضوع بيحرق دمى
احترامى للشموع السوداء
كل اناء ينضح بما فيه
هذا هو ردى على هذا البوست
ولكن لابد ان تدركى ان لكل قاعده شواذ
ولا تحاولىان تعممى اى موضوع مهما كان
لا اقصد هذا الموضوع بالذات
تحياتى
علاء
معلش يا دوك غيرى لون الكتابة بالله عليك عشان اعرف أقراه أنا عضمة كبيرة وعنيا شيش ياك او شيش بيش اللى تحسبيه غيرى اللون وحارجع أقراه وبعدين مجاوبتيش على التاج ليه ؟؟
الله ينورك بك كمان وكمان ,,وربنا ييسر لك ويحمى نضرك من العشا الليلى والنضارات والنظر الشيش بيش
أهو كده الواحد شاف يا حلاوة يا ولاد ,,بس بالله عليك متحطنيش فى الموقف ده تانى أنا كنت بأقول هى الدنيا ضلمت كده ليه افتحوا الشبابيك ,,
حاقولك على حاجة تبين لك أد ايه الشباب بتاعنا متربى !!! عندى فى الشغل البنات لما ييجوا يعاتبوا بعض بهزار بيقولوا ايييه ؟؟ دى تقولها يا واطية والتانية تقولها مش أوطى منك الكلمة دى سب علنى وكلمة بذيئة جدا لكن هى عندهم هزار وعادى وعلى فكرة دى أبسط حاجة ودول كمان فى مجال التعليم قيصى انت بقى ,,الفحش من الأفعال والألفاظ متواكب مع كل الفحش فى حياتنا والاناء ينضح بما فيه
ربنا يعفى عنا
الشموع السوداء
انا مش عارف الموضوع بالظبط بس رأي اكيد مناقشة اي موضوع بواقعية وموضوعية من تحيز بيبقى افضل وغير كدة بيبقى حاجة تانية
تحياتي
سيد سعد
لا انتى حتشوفى النماذج دى فى التدوين كتير للأسف
مش عارفة ليه فيه ناس بتقرا الكلام بالمشقلب و تلاقيهم بيكلموا بالدين و هم ما يعرفوش ابسط قواعده
خالص تحياتى
عزيزتي الشموع
عندما وقف المجتمع على رأسه من بداية السبعينات و لليوم ، سادت الفاظ طبقات معينة في مجتمعنا ، اصبح كل كلام عن الذوق الرفيع و التحضر "كلام خنيق" و اصبحت اللغة السوقية "كلام روش" ، وقتها و حتى الان خرجت الاغاني الوقحة و السوقية ، فأغاني مثل "عيلة واطية و كذابة" و "الصراحة راحة ......" تجدين جذورها عند كتكوت الامير ، انها خطيئة مجتمع جعل المظهر المادي هو ما يحدد الطبقة و ليس الذوق العام و التعليم و الثقافة ، فكان من جملة اعراضه انحدار لغة الكلام
تحياتي و تقديري على الموضوع الجميل في اختياره
بجد والله عندك حق فى كل كلمه بتقوليها وان الرسول قال اقربكم منى نزله يوم القيامه احسنكم خلقا
وقال ايضا بعثت لاتمم مكارم الاخلاق
جزالك الله كل خير
حاسة بيكي جدا و مقدرة غضبك
مهو أنا بردو من الناس اللي بيتقال عليها "عقد" أما يتقال أدامي لفظ مش مهذب
مرة يتقال لي : انتي هاتفضلي "مقفلة" كده لإمتى؟
مرة تانية : هي كل حاجة عندك عيب؟
مرة تالتة : انتي مش عايشة في الدنيا؟ الدنيا كلها بقت كده.. خليكي كده عايشة مع نفسك
لكن بصي .. طالما مقتنعة إنك صح مايهمكيش من حد
الكلاب تعوي ...و القافلة تسير
اصل دول مش رجاله دول ذكور ،فيه فرق بين الراجل والذكر وبعدين أقدر أقولك ان الناس دى عندها عقده نقص
الكلاب تعوى والقافلة تسير
Post a Comment