اصداف البحر.... من منا لا يتذكر شكلها على شاطىء البحر او فى اللوحات حينما تحتوى بين ذراعيها تلك الؤلؤة اللامعه
عندما اتذكر شكل الصدفه ..اتذكر شىء جميل بيننا
نعم لاتتعجب فتلك الصدفه تشبهنا تذكرنى بعلاقتنا معا فى جمالها وقوتها واحتوائها
فانا وانت مثل جانبى الصدفه ونحتوى بيننا هذا البيت الزوجى الذى يحمل حبنا وعلاقتنا وقلبينا معا مكونا تلك الؤلؤة التى داخل الصدفه
فنحن فى فترة الاستقرار والسعادة تغلق الصدفه جانبيها من بعضهم....وفى فترة خلافنا يبتعدكل جانب عن الاخر مثل الصدفه لكن البابين متصلين ببعضهما من الجانب الاخر
فنحن نبتعد قليلا من جانب ويظل الجانب الاخر ممسكا بالاخر
ومثلنا مثل الصدفه بقشرتها الصلبه رغم جمال لونها وشكلها وتعاريجها الا انها تواجه موجات البحر القويه والرمال .....الا انها تظل محتفظه بجمالها وباللؤلؤة التى بداخلها
ليتنا زوجى الحبيب نظل هكذا كاصداف البحر فى جمالها وقوتها وترابطها ...ونظل نحافظ على تلك اللؤلؤة الى بيننا وبداخلنا
14 comments:
السلام عليكم
إحمممممممممم إحممممممم
ممكن ندخل ؟
أنا بستأذن أهه لأن التدوينة خاصة لكن عامة ووصفك رائع خاصة حكاية الباب الممسوك من ناحية وناحية لأ
الغربة أفرزت أدبا رفيعا
أصعب سنوات الزواج السنة الأولى لأنك تتعرفين على الجوانب الخافية من الشخصية لكل منكما فلنشبه هذا بسائلين مختلفين نحاول مزجهما قد يكون أحدهما ذو كثافة أكبر من الثاني فلا يمتزجان بسهولة والتقليب هو معاركة الحياة ثم نتوقف لنرى هل يمتزجان تماما ويكونان كوكتيل جديد أم يظلا منفصلين أم يحدث امتزاج جزئي
تتوقف على حسن الاختيار وعلى فهم الحياة ودور كل واحد وعلى المحيط الخارجي
ربنا يسعدكما ويقر أعينكما بلؤلؤة صغيرة تشيع البهجة والجمال والترابط في صدفتكما
ابقي سميها لؤلؤة
:)
:)
بجد دايما بسعد بتواجدك وتشجيعك ليا العزيزة مجداويه ..وفعلا اولى سنوات الزواج فى رايى هيا الى بيتبنى فيها الاسس والقواعد المتينه الى لما بتعدى السنين بعد كده اى تيارات او عواصف هيا الى بتسند العلاقه دى وتنميها
بشكرك وموضوع لؤلؤة ده هفكر فيه ان شاء الله هههههه
بجد
عاجبنى اوى الكلام
والتشبيهات روعه بصراحه
تسلم دماغك
احلى وصف قريته للعلاقه الزوجيه
فعلا زى الصدفه ...حتى لو اختلفنا بيفضل البابين متصلين..
ودايما الصدفه بتواجه الموج القوى وتيارات البحر ...وبيفضل شكلها جميل..وبيزيدها جمال صلابتها وقوتها فى مواجهة الامواج دى كلها
انت كلامك اكتر من رااائع فعلا ..
تحياتى ليك ..ودى اول زيارة واكيد ان شاء الله مش الاخيرة
تحياتى ليك
blue wave
اهلا ونورتنى ومتشكرة على التعليق المشجع
بنت الغربه
اهلا بيكى نورتى البلوج
الاجمل فى العلاقات الزوجيه اننا نفضل متمسكين بعض مهما حصل مع كل المتغيرات زى الصدفه
تحياتى لكى
السلام عليكم
يمكن لو كنت قريت البوست ده منش هر كنت هقول ياريت
لكن دلوقتي ؟؟؟؟؟
السلام عليكم
ماشاء الله تفكيرك جدميل
وتشبيهك حلو
ربنا يكرمك
تحياتى ليكى
ياسلام علي التشبيهات الرقيقه
جميل اوي احساسك بعلاقه بجوزك
واجمل مافيه رغم البعد يظل الالتصاق
تشبيه جميل اوي
حواء شرفتينى بالزياره
مافيش ياريت دايما الامل موجود لحاجه ممكن تتصلح ويمكن حاجه جديده خالص تيجى وتسعدنا
تحياتى
بنوته
متشكرة اوى على زوقك
التشبيه جه فبالى فجاة فى لحظة صفا ههههه ربنا يدومها ويبعد عنا التيارات والامواج العاصفه
تحياتى لكى
عاشقه وغلبانه
سعيده بتعليقك
التشبيه جه من احساس ان الزوجين فعلا مرتبطين ببعض فى كل حاجه وضرورى يفضلوا حاسين بكده مهما اختلفوا او اتعرضوا لمشاكل وظروف
تحياتى
الله الله الله على التشبيه الرائع
بجد اجمل تشبيه للعلاقة الزوجية
كلاماتك رائعة بجد ووصفك جميل
من جمال البوست اصريت ان جوزى يقراه قبل ما ينزل لمكتبه الصبح وعجبه جدا جدا
تحياتى لك
ريم
ريم
بجد اسعدتينى بكلامك ده اوى
يارب يديم السعاده عليكى انتى وزوجك وكل ازواج وزوجات المسلمين
بجد مبسوطه بتعليقك وتشريفك نورتينى
Post a Comment