مش عارفه ليه حاسه بحالة حزن ..حاسه انه قلبى موجوع من الحزن
احساس صعب يمكن كل واحد بتعدى عليه فتره بيحس بيه لاى سبب من الاسباب وربنا مايكتبه لحد ويسعد كل الناس
بس المرة دى احساس بسبب انى حاسه ان الدنيا بقت صعبه ومادية لاقصى حد وده متفاجئتش بيه بين يوم وليله بس يمكن وصلت لمرحلة القمه من انه بجد ليه بقينا كده
......
زى مايكون كفتين ميزان كل ماواحد يتقل التانى يقل
تتقل كفة الدنيا والفلوس ولمنصب والاهتمام برفاهية الحياة او حتى عشان يلاقى قوت بيته وولادة الكفه التانيه بتخف
ليه مبقناش قادرين نوازن بينهم زى مامرنا اسلامنا وزى ماكنا كده من زمان اكتر حاجه بتميز العرب الناحيه الروحانيه والعاطفيه ولمة العيله والعشرة والصداقه
....
عارفه انه لسه فى ناس كويسه ولسه فى خير وربنا يزيدهم اكتر واكتر
بس يمكن حاليا من كزا موقف فى الفترة الى فاتت حاسه ان ناس كتير بقت نفوسهم وحشه اوى
وامتد الموضوع يمكن لاقرب الناس فى بعض الاوقات من صحاب وقرايب
بقينا كلنا بنشتكى من قسوتنا على بعض من جرحنا لبعض
من حسد وغيره ومقارنه بين الصحاب واللى يمتد بين الاخوات او زوجج الاخت وزوجة الاخ ..من قسوة الحموات ..من قسوة الزمايل والانانيه ولغة المصالح بين الزملاء فى العمل والدراسه والجيران؟؟!!
الفترة دى حاسه اننا وصلنا لمرحله وحشه اوى وكل شوية بتسوء اكتر
.....
ليه حسد وغيره ومقارنه وربنا هو الى بيوزع الارزاق
لن يصيبك الا ماكتب الله لك هيجيلك رزقك المكتوب لك فوقته ومعاد ومحدش عارف الخير فين ويمكن جاى فى الطريق ولا لازم نستعجل علطول
ليه الفضول والحشريه والتدخل فى خصوصيات بعض بقلة احترام وبطرق تجرح ده رسولنا علمنا من اساسيات الاسلام..من حسن اسلام المرء تركه مالايعنيه!!!
سبحان الله
الانانيه والمصالح والفهلوة
نسينا الايثار والتعاون على البر
الرسول قال لايؤمن احدكم حتى يحب لاخيه مايحب لنفسه
سبحان الله ربطها بالايمان
مش عارفه اقول ايه
بقيت حاسه اننا فى زمن الالات والماديات والحياة الاستهلاكيه ولغة التيك اواى ويلا نفسى
سباق مادى عشان نعيش عشان نتجوز عشان نخلف عشان نربى ولادنا ومن بعدنا الطوفان اى حاجه تانيه مش مهمه
لدرجة ان بعض الناس انانيتها بتغل عليها ومبتربيش ولادها كويس وبيدوهم فلوس وكفايه
لييييييه وصلنا لكده؟ وكل ده عشان ايه
هناخد ايه معانا واحنا ماشيين؟
ياريت الواحد كان موجود ايام اجدادنا لما كانوا بيعرفوا معنى العشرة ولمة العيلة والجيرة والصداقة
نفسى يجى يوم افضل نكون فيه افضل مع بعض
وتروح حالة الحزن دى
15 comments:
السلام عليكم ورحمة الله وبركاته اختي الحبيبة الشموع البيضاء
انا عارفة انه ساعات بنحس ان كل الابواب تقفلت وكل الدموع نشفت وكل المشاعر اختفت ولكن هذا الشيطان الي بيأسنا من رحمة الله فعلشان كده اختي الحبيبة توكلي على الله وما تخلي اليأس يأخذ منك ولو شوية وانا اصلا قبل ما اقرأ موضوعك كنت مضايقة كثير وفتحت على هذا الرابط وارتحت كثير بس سمعته اسمعيه لعل نفسيتك تتحسن
http://www.islamway.com/?iw_s=Lesson&iw_a=view&lesson_id=33738
بس خليكي متوكلة على الله مثل ما عهدتك وما تخلي تصرفات الناس التانية تأثر عليكي تلاقيهم ولا هم على بالهم ولا حاسين فيكي فما تزعلي
واحتسبي اختي لوجه الله وتذكر ان الله مع الصابرين فاصبري وكوني حكيمة واشغلي نفسك في شيء تحبيه
انا قصرت معك كثير الفترة الي فاتت ولكن والله غصب عني ولكنك في قلبي دائما حبيبتي
اسأل الله العظيم رب العرش العظيم ان يفرح قلبك وينزل سكينته عليك وان يسعدك في الدنيا والاخرة ويوفقك مع زوجك ويجمعكما على خير وسعادة اللهم امين يا رب العالمين
اختك التي تحبك كثيرا
ورود
ايه الحزن ده كله ياحبيبتى
الدنيا ماتستاهلش تزعلى نفسك قوى كده ...ياما هتشوفى من الناس
الناس فيها الوحش والكويس واللى بينافق علشان يوصل ...بصراحه انا بافضل الوحش لانه ظاهر وواضح .....مش زى المنافق ماتعرفيش انه بيكرهك غير بعد فوات الاوااان ...اما الكويس فده عمله نادرة قوى ...لو لقتيه اوعى تسيبيه...ودول بيظهروا فى وقت الشده بس...لما انت بتكونى فعلا محتاجه لحد يساعدك ...الكويس بس هو اللى هيقف جنبك ....من غير غرض..ولا مستنى منك حاجه...ودول موجودين بس قليلين قوى ....انا من كتر ماشفت فى حياتى خصوصا فى الغربه ...مابقتش مستغربه اى حاجه من الناس...وبقت عندى مناعه من المنافقين...
بس برضه بقيت اخاف اصاحب اى حد زى زماااان....
ربنا يفك عنك الحزن ده ...
تحياتى ياجميل
انسى الحزن
الحزن موجود كتير اوى فى الدنيا ولو قعدنا ندور على سبب نحزن ونبكى عشانه هتلاقى الف سبب وسبب للبكاء
الاحسن لما تحسى انك حزينة دورى على اسباب تخليكى سعيدة
عارفة انا لما بكون مخنوقة ومتضايقة بعمل اية
بروح اقرا واشوف مشاكل الناس واحمد ربنا على اللى عندى لانى بلاقى عندى كتير
وصدقينى الرضا بالحال نعمة لان ربنا سبحانة وتعالى بيكرمنا اوى لما بنرضى
ربنا معاكى
تحياتى
وروود بلا اشواك
نورتينى حبيبتى اشتقتلك كتير يارب تكونى بخير انتى واولادك
اكيد دى لحظات صعف بتمر بينا ولازم نطردها سريعا معك حق
خصوصا ان الناس دى ولا على بالها معك حق
تسلمى على كلماتك ومتابعتك
الله يحفظك
ويارب انتى كمان ترتاح نفسيتك ويبعد عنك كل شر وسوء
احبك فى الله اختى الحبيبه
بنت الغربه
انا كمان فى الغربه بس حديثة العهد بيها ويمكن عشان كده لسه فى الاول بس هاخد المناعه هاخدها ان شاء الله زيك هههه
معاكى حق تماما انا كمان بحب الوضوح الوحش الى بيظهر وحاشته انا بحترمه تصدقى بقا
لانى بكرة النفاق والغدر والكذب والخيانه جدااا
تسلمى يارب ان شاء الله تروح الحاله دى علطول
زوجة عنيده
اهلا بيكى
عندك حق الرضا مهم فى حياتنا
وانا والله من الناس الى بدور على الايجابيات وعلى الطموح وبحاول دايما اكون قويه ومستسلمش بس يمكن ده وقت صعب شويه من الفراغ والغربه وافتقاد ان الناس تبقا كويسه مع بعض
تحياتى
مقدرة تماما كل كلمة بتقوليها
هي دي مصر للأسف
ها تقولي لي كل العرب
اقول لك من واقع تجربتي خارج مصر للأسف مش كل العرب
فيه صحفية عجبني كلامها قالت دي ثقافة الزحام
يعني احنا عمالين نخبط في بعض
جسديا ونفسيا كمان
وفعلا الموضوع ده كان لسه مفتوح بيني وبين زميل يوم الخميس
وسبحان الله قلنا كل اللي قلتيه
وارجعناه للبعد عن روح الأسلام الحقيقية
بس برضه لسه فيه ناس كويسة قوي
ربنا يجعل كل عشرتك مع دول
مودتي
ستيته اهلا بيكى
وعندك حق فى كلامك
عارفه اوقات بفكر كده بلاقى ان سبحان الله كل تعاليم الاسلام بتدعم فكرة التكامل والتكافل الاجتماعى والاخوة والتعاون والمساواة والحب وحاجات كتيييييير اوى
سبنا كل ده وخدنا من الغرب قسوتهم ياريت حتى خدنا تحضر منهم ولا تقدم لا طلنا ده ولا ده
انا والله حاسة بشعورك جدا ..
افتقدنا حاجات كتير الايام دى كانت بتجلب لنا السعادة ..
وذهابه بتترك أثر فى نفوسنا ..
شفت حادثتين من كام يوم بجد كل ما افتكرهم احزن ..
الدنيا بقت وحشة اوى ..
عشرة يغتصبوا واحدة ويتحكم عليهم بالاعدام ..
وواحد يقتل طفلة ..
حاجة تخلى السعيد يتغم والله ..
بس كل ده علشان ربنا يعرفنا ان القرب له هو القمة السعادة والانس به هو الراحة ..
ان شاء الله ربنا يذهب حزنك وهمك ..
دُمتِ بخير ..
سلامتك من الزعل والحزن ياقمر
هو فعلا كلامك صح وعندك حق والناس فعلا اصبحت وحشة جدا وللاسف المفروض الواحد يفكر الف مره قبل ما يرتاح لحد ويصدقه من قلبه عشان مش يتصدم بعد كدا
بس دا للاسف بردو اصبح العادى في ايامنا دى يعنى انتى المفروض تتوقعى دا ومش تحزنى ولا تزعلى
انا من فتره قريبة كنت زيك كدا مصدومة في ناس كتيييييير اوى ولقيت نفسي تقريبا وحدة خاصة انى مش عندى اصدقاء كتير لانى كنت مسافرة على طول برا مصر لكن لقيت انى انا بس اللى بحزن وبتعب والامور مش بتتغير والناس بردو هى هى مش بتتغير نفس الخداع والنفاق ولقيت ان مش في حاجة تستاهل حزنى وان اكيد في ناس كويسه وطالما انا الحمد لله بتعامل بما يرضي الله دا اللى يهمنى واكيد ربنا بردو هايقلبلنى بناس كويسه اقدر اتعامل معاها بصدق
وانتى كمان اكيد ان شاء الله ربنا يهديكى لاصدقاء يكونو قلبهم حلو وابيض زى قلبك الجميل
والله كلامك مظبوط
كلنا حاسين بالغربه والخوف والحزن من اللى بيحصل حوالينا
وكلنا مش راضيين عن كده امال ليه لسه موجود ليه الناس الكتير اللى مش راضيه بالموقف ده مش ظاهره ومش فارقه فى العالم
ومش حاسيين ان الدنيا بخير
اكيد عشان احنا مش فى فيلم ولا قصة او روايه اللى فيها الخير بينتصر على الشر
او يمكن عشان لسه ماوصلناش للنهايه السعيده بانتصار الحب والحق
الرسول عليه الصلاة والسلام قال: القابض على دينه كالقابض على الجمر
وده فعلا اللى يبحصل دلوقتى الانسان الكويس الطيب اللى بيعامل الناس بالحسنى تلاقيه تعبان ومتعذب
بس احنا عايشين فى الدنيا مش الجنه وعشان كده اكيد هنتعب واحسن حاجه انك تعاملى كل انسان بمعاملته عشان ماتضغطيش على نفسك وتتعبى
وربنا يصبرناعلى العالم ده
*****
مدونتك حلوه كتير وكان نفسى اول دخول ليا مايكونش وانتى زعلانه كده
يارب البوست الجاى تكونى سعيده
:)
هكذا هى الدنيا
نحن فى دار ابتلاء غاليتى
فلاتحزنى وفوضى امرك لله
ريم
كلامك مظبوط اظاهر اننا لازم فترة كده نخرج من الطفوله البريئه والتربيه ان كل الناس طيبه زى ماحنا طيبين وبنحب الخير لكل الناس ونبتدى نعرف ان مش كل الناس نفوسها وظروفها واخلاقها وعلاقتها بربنا زى بعض
لازم فترة على مناخد مناعه
تحياتى نورتينى
bondoka
اهلا بيكى وتسلمى على زوقك
انا الحمد الله بقيت احسن
عندك حق هيا الدنيا ودار ابتلاء مش دار الراحه الراحه فى الجنه بس
ربنا يرزقنا الجنه يارب وساعتها الامر هيختلف كتييييير اكيد
موناليزا
ونعم بالله عليه توكلنا واليه المصير
كلامك صح جدا هيا دار الابتلاء لينا
ربنا يرزقنا الجنه فى دار القرار والنعيم اللهم امين
تحياتى ليكى نورتى
Post a Comment