برنامج خدعوك فقالوا على قناة اقرأ لمصطفى حسنى..اكتشفته بالصدفه من تنويه عن البرنامج الجمعة الى فاتت بس رغم انه بقاله كزا حلقه وده لانى مبتابعش اقرأ من مده طويييله جدا مبقتش تعجبنى او هيا من البدايه مكانتش عاجبانى بمذيعاتها الى ميك ابهم ولبسهم وحواجبهم الاوفر ويقولوا احنا قدوة فى الحجاب :-)
المهم
لانى بحترم مصطفى حسنى بحس انه بيتكلم بواقعيه ومبيدعيش علم هو ليس اهله فقلت اشوف البرنامج موضوعه ايه طلع عن اييييه بقا؟
عن تحسين العلاقات الزوجيه فى الدين الاسلامى ومن الناحيه العمليه والنفسيه وبيقترح بعض الافكار الصغيره الى ممكن يعملها الزوج او الزوجه تدخل السعاده او تزيد القرب لبعض وبيطرح بعض المشكلات وايه سببها وازاى ممكن نحلها
....وكمان اتكلم عن حاجه حلوة ان الكبر والعناد والخصام ده من الاخلاق الابليسيه الى بسببها طلع من الجنه بسبب جهله وكبره ومعصيته
وكمان استعان بجزء من كلام ابراهيم الفقى المعروف فى علم تطوير الذات وتحسين العلاقات الاجتماعيه وده علم حديث منتشر جدا دلوقتى فى ارجاء العالم وبجد علم بحترمه
بجد عجبنى ان فى برنامج عندنا كده بيتكلم من النواحى المختلفه وبيربطها ببعض واسلوب الخطاب مبسط وعملى وهدف جميل تحسين بيوتنا واسرنا المسلمه تكون افضل وافضل
الحلقه الجايه ان شاء الله يوم الجمعه هيتكلم عن الرسول صلى الله عليه وسلم وسنته وبعدها يكمل عن العلاقات الزوجيه
ياريت المتزوجين والمتزوجات والغير متزوجين كمان نداااء عاجل بيب بيب تابعوا البرنامج
وشكرا
13 comments:
اجمل شموع بيضاء
وصلنى النداء وهتابعه ان شاء الله وانتى عارفه انى محتاجة اوى لتحسين العلاقات الزوجية والحماتية كمان
بجد سبحان الله لو اتبعنا الدين والسنة في كل حاجة هنلاقيها على احسن مايرام
وفعلا العند والخصام مش بيجيبو نتيجة
ربنا يوفقك ياقمر وشكرا على التنبيه لهذا البرنامج المفيد
تحياتى ياقمر
جزاكى الله خيرا على التنبيه
ربنا يجعله فى ميزان حسناتك
دمتى فى سعادة
انا مش بحب اسمع لحد خالص غير مصطفى حسنى
طريقتة بتعجبنى اوى اوى واسلوبه تحفة حتى فى الدعوة للتقوى
نشينتى على حد بحب اسمعلة بس انت مش قلتى بيجى الساعة كام
وبما انك اتفرجتى على البرنامج وقرايتى الموضوع بتاعى
هو عنادى يعتبر حرام
لانه اكيد وضح معنى للعناد اللى هو يقصدة
تحياتى
سبق لي ان سمعت عن هالبرنامج
بس للاسف ما شاهدته ولا مره
يسلمو ع التدوينه المفيده :)
سلامو عليكم:
دا برنامج تحففففففففة انا بقيت مدمنة انى اشوفه كل جمعة.. وسلسلة الحلقات بتاعة الجياة الزوجية شفتها كلها لحد دلوقتى فوق الرائعة.. يارب يارب الكل يشوفها.. وشكراً ليكى يا قمر
السلام عليكم
ده كلام جميل جدا
إن شاء الله حاشوفه اليوم
قناة اقرأ زي ما وصفتيها لكن مع ذلك بتجيب برامج وعلماء غاية في الجمال أنا وصفت القناة دي مرة إنها زكاة عن مال حرام
فكل قنوات ال
a r t
قد يشفع لصاحبها هذه القناة وهي تدخل على الازدواجية العجيبة لديهم
سيبك إنت أنا مبسوطة جدا إنك رجعتي تكتبي وتزوريني تاني ودايما منوراني ومنورة دنيا البلوجات بشموعك البيضاء
اوعي تغيبي تاني الا اذا.....
؟
إن شاء الله
:)
السلام عليكم ورحمة الله وبركاته
حقا مسألة الزواج أمر شائك كما أني أنشأت لها مدونة خاصة لما لها من أهمية في عودة هذه الأمة مرة أخري
وجزاكِ الله خير الجزاء أول مرة أزور مدونتك وشكلي هكون زبون دائم هنا
محمد حياتنا
فعلا الكبر دة من افظع الصفات بجد
ربنا يكفينا شر الكبر يارب والغرور
جزاكى الله خيرا عن التنويه على البرنامج
تحياتى لكى
السلام عليكم
الموضوع جميل
لكن عندى اقتراح بسيط
لو فيه امكانية لادراج الحلقة بالصوت او بالفيديو يكون افضل
كل عام وانت بخير بمناسبة مولد النبى
تقبلى تحياتى
علم وينفذ يافندم
شكرا ليكي جدا وجزاك الله خير
من البرامج الجميله
وهو عنده قدره علي الاقناع وتوصيل الحاجات
صافي الود
تسلمى على الدعوة ياقمر
Post a Comment